الرز الصيني..

جزر مقطع مكعبات -

بصل مقطع صغير -

كرنب (ملفوف أبيض أو بنفسجي) مقطع طوّالي صغير -

فاصوليا مقطعه بشكل متوسط -

علبة ذرة -

علبة بازيلا خضره (نخي أخضر) -

صدر دجاجه كاملة مسلوقه ومنتفه بشكل طويل -

ماجي - 3

كاسات رز مغسل ومنقوع في ماء لمدة نص ساعة -

ملح وفلفل أسود وزنجبيل مطحون -

صويا صوص..

ملعقة طعام ونص كتشب -

3 بيضات..



الطـريقــة:

نخلي قدر كبير فيه كمية زيت كافيه على النار هادئه وعشان نكسب الوقت كل ما نقطع شي نضيفه للقدر.. البصل

ونحرك شويه لين يصفر.. ثم الجزر ثم الكرنب والفاصوليا.. فقط.. يقلب على النار نضيف الماجي ملح وفلفل أسود

وشوية زنجبيل مطحون (بودرة) وشوية صويا صوص.. نضيف شوية ماء ونغطي القدر عشان يستوي.. ثم

نضيف الكتشب والذره والدجاج ويقلب.. لا يروح كل الصوص عشان نبغى الرز يمتصه.. يعني ضيفي شوية مويه

لو احتجتي..

آخر شي نضيف البازيلا..(بزاليا) عشان لا تتهري وتتهرس.. يعني مجرد دقيقه ونص مع الخلطه..

في هذا الوقت كمان نسلق الرز ثلاثة ارباع سلقه..

نصفي الرز ونضيفه للخلطه.. وعشان لا تتهرس البازيلا من الجوانب نرفع الخلطه لفوق بحذر.. لين ما يتلون كل

الرز ووتوزع الخلطه..

نسوي البيض كل واحد على حده.. زي طريقة (بيض البلاليط - الشعيرية بالسكر) ولما يستوي من الجهتين نقطعه

في المقلاه ونقلبه يتحمر زياده ونضيفه للرز...


تقدم مع الصوص

بالنسبة للصوص الصيني..

.. قطع خضار تقطعينها طوليا..

جزر بالطول..

كرنب كمان.. وفلفل أخضر بارد ولو عند أصفر كمان..

وطبعا بصل مقطع صغير.. قطعة صغيره زنجبيل.. فصين ثوم.. ودجاج مقطع تسلقينه.. بطاطس قطع متوسطه..

فاصوليا مقطعه..

في مقلاه اللي تكون صغيره من تحت وعريضه من فوق.. في كمية كافيه من الزيت تحمري البصل لين يذبل ويصير

لونه ذهبي متحمر.. نضيف الثوم ..الخضروات شوي تذبل.. بعدين شوية فلفل أسود وملح وشوية مره زنجبيل

مطحون وقطعة الزنجبيل..ونص ماجي.. على حسب رغبتك.. بعدين قطع الدجاج ضيفي زيت لو احتجتي.. لين

شوي يتحمر بعدين ضيفي موية عشان يصير عندك صوص قليل.. ضيفي كوب صغير ماء بارد فيه شوية نشاء..

وضيفيه للصوص.. بعدين شوية سكر اقل من نص ملعقة طعام مثلا..

ولاتنسي الصويا الصوص.. وإذا حبيتي شوية صلصة.. على العموم البصل لما يتحمر ومع إضافة الموية يصير

الصوص لونه غامق والنشا يخليه غليظ.. بس لا تكثرين المويه..